التغيرات الكبيرة بالحياة بتحمل بطياتها قرارات صعبة , قرارات بتسهرك ليالي بتشغل بالك لوقت طويل .. لما عرفنا انو الله اهدانا احلى نعمه ايليا بلشنا نفكر بشكل الحياة والتعليم الي بدنا نعطي ايا .. كنا متفقين انا بدنا نكون حده باليوم يوم تبعه نلعب معه نعيش معه ونتعلم احنا ويا سوا .. وكنا عارفين انه شغلنا ومؤسسات التعليم الموجودة راح تكون عائق امام تصورات الحياة الي رسمناها بأحلامنا وخيالاتنا لايليا .. وهون بلشت رحلة البحث تبعتنا.. البحث عن طريقة تاني .. عن اسلوب حياة جديد. قرأنا دورنا بحثنا جمعنا كل اشي عجبنا من المناهج التربوية الموجودة بالبلاد وبريت البلاد وبنينا منهجنا المناسب لعيلتنا الصغيرة والي ببدايه هالسنه الدراسية الأولى لايليا، راح نبدا نشاركو فيه بكل حب وامل لتربية احلى وامتع النا ولايليا.
Comments
Post a Comment