مش بالصدفة اغنية Old MacDonald هي من احب الاغاني عقلب الاطفال , الاطفال بتعشق الطبيعة والحيوانات بشكل خاص , لهيك من امتع واحلى المشاوير عند الاطفال هي حديقة الحيوان الي فيها بتعرفوا على حيوانات جديدة غير الي بشوفوها باليوم يوم ( كلاب وقطط) .
باي جيل مناسب نزور حديقة الحيوانات ؟
الابحاث ما بتحدد جيل معين ولكن في اجماع بكل المقالات العلمية الي قرأناها ان الطفل بستمتع بمشاهدة الحيوانات ابتداء من جيل كتير صغير وان حتى لو الطفل اكتفى فقط بالمشاهدة والتأمل فهذا لا يعني انه غير مستمتع او حتى مستمتع اقل من غيره .
اول زيارة لايليا كانت بجيل 5 اشهر اكتر اشي لفت انتباهه كان الحيوانات الكبيرة وبالذات الزرافه والفيل .
ايليا استمتع كتير باطعام الحيوانات وسماع اصواتها لدرجة انه نسي يطالب بوجبته مع هيك المشوار مكنش بالمرة خال من التحديات متل كل المشاوير من اطفالنا , اصعب تحدي كان انه ايليا تعب بنص المشوار وكان بحاجة لقيلوله وكتير كان صعب عليه يستسلم لقيلولته امام كل الاغراءات والاشياء الجديدة حواليه.
اليوم ايليا بجيل سنه وزيارة حديقة الحيوانات هي جزء من برنامجه الأسبوعي , الي بنينا ليبدل طرق التدريس التقليدة المتبعة .
Comments
Post a Comment